|
|
|
Mei it each op de takomst! – Ferkiezingsprogramma CDA
Dantumadiel 2006-2010 |
|
Węr
steane wy foar? It
CDA-Dantumadiel is in moderne kristen-demokratyske partij, dy’t fan it Bibelske boadskip útgiet
by it sykjen nei antwurden op de maatskiplike fraachstikken fan hjoed en
moarn. De politike fyzje fan it CDA-Dantumadiel is sadwaande net statysk, mar
kin bysteld wurde, ôfhinklik fan de fragen fan de tiid. Feiligens,
mienskipssin, rjochtfeardigens en ferantwurdlikens binne wichtige itichpunten
by it beliedmeitsjen. It
CDA-Dantumadiel sjocht de gemeente as in mienskip dęr’t men jin thúsfielt en
dęr’t de ynwenners harren der bewust fan binne, dat hja de ierde yn brűklien
hawwe en dat hja ferantwurdlik binne foar natoer en miljeu. Dan is der ek
in takomst foar de kommende generaasjes. It CDA-Dantumadiel wol dat de
rjochtsoarder en de feiligens fan de ynwenners op de bestjoerlike
prioriteitelist fan de gemeente steane, lykas de soarch foar de kwetsberen yn
ús maatskippij. Kristen-demokratyske bestjoerders
wolle ynteger, betrouber en belutsen węze. Hja sykje foar harren
beslútfoarming nei in sa grut mooglik draachflak yn de mienskip. Sa wol it CDA-Dantumadiel de
kommende fjouwer jier bouwe oan in soarchsume, leefbere en feilige gemeente,
dęr’t elkenien yn telt. Węrom fynt it CDA-Dantumadiel de
gemeente wichtich? Gemeenten foarmje yn it foarste
plak de basis fan ús iepenbier bestjoer. De gemeente is de rjochtsmienskip,
de demokratyske bestjoerslaach dy’t it neist by de minsken en de mienskippen
stiet. Fierwei de measte saken dęr’t ynwenners mei konfrontearre wurde yn it
deistich libben, spylje harren ôf op it nivo fan de gemeente. Twad komt dęrby dat gemeenten in
wichtige taak hawwe by it stypjen en beskermjen fan de lokale mienskip as
gehiel en mienskippen fan minsken, lykas de hűshâlding, de skoalle, de
tsjerke, űnderskate organisaasjes, en ek de
strjitte, buert, wyk of it doarp. 1. Harkjen en gearwurkjen It CDA-Dantumadiel is fan betinken
dat de gemeenten yn Noard-east Fryslân better yn ‘e mande de problemen
oanpakke kinne. Hja moatte de kręften bondelje wat strategy, belied en
bedriuwsfiering oanbelanget. By stratygyske en beliedsmjittige gearwurking
giet it om mienskiplike tarieding. De gemeenten sille harren bedriuwsfiering
op elkoarren ôfstimme moatte om dęrnei, dęr’t dat fertuten dwaan kin, gear te
wurkjen. Fergrutting fan tsjinstferliening, kostebesparring en
fleksibilisearring binne dęrby de kearnbegripen. Gemeenten kinne wurksumheden
delegearje oan it gearwurkingsferbân. It CDA-Dantumadiel stipet de fyzje
lykas dy beskreaun is yn de Regiofyzje Noard-east Fryslân. Dy strategyske
fyzje moat de basis węze foar de beliedsmjittige aktiviteiten. Wy binne der
foar om de mienskiplike regeling NOFA (Noardeast-Fryske Oanpak (‘Noordoost-Friese Aanpak’) mei de gemeenten om ús hinne
út te wreidzjen. Oare mienskiplike regelingen yn it gearwurkingsferbân moatte
opheft en yntegrearre wurde yn ien iepenbier lichem, meidat in gearhingjend
gehiel űntstiet. Dy gearwurkingsfoarm mei gjin tredde bestjoerslaach wurde en
moat transparant węze. De bestjoering moat syn beslach krije út de
gemeentlike programma’s wei en it kolleezje is ferantwurdlik foar de
útfiering. It rânebetingst is dat it gearwurkingsferbân doeltreffender wurket
as in gemeente apart. Us fyzje op
folksfertsjintwurdiging: - algemien belang stiet foarop, mar de yndividuele ynwenner
moat wol rjocht dien wurde; - betrouber, ynteger en dúdlik moat men węze: sizze wat men
docht en dwaan wat men seit!; - ferantwurdlikens moat men nimme. It CDA-Dantumadiel wol besykje om
de ôfstân ta de ynwenners te ferlytsjen troch: - streekrjochte beneiering; - besite oan buerten en doarpsbelangen; - ynsprekkersrűnten foar ynwenners en belangeploegen,
likegoed yn de foarfaze; - de gemeentlike thússide útwreidzje; - riedsgearkomsten en kommisjegearkomsten
oantrekliker/tagonkliker meitsje; - útlis fan stânpunten jaan yn de kranten en op de CDA-thússide,
www.cdadantumadeel.nl. ‘Wy fleane foar jo’ Tsjinstferliening ‘yn de eagen’
fan it CDA-Dantumadiel, is klear stean foar en meitinke mei de ynwenners, dus
klantfreonlik, dúdlik, berikber en betelber. Ferbettering
kin űnder oare berikt wurde troch de wei fan balys en fia thússide en e-mail. Stânpunten: - it CDA-Dantumadiel wol rűme iepeningstiden
fan it gemeentehűs; - it kontakt mei de ynwenners moat sŕ węze dat
praat wurde kin fan in korrekte ôfhanneling mei faasje; -
it
CDA-Dantuamdiel wol it fergunningestelsel foar it grutste part feroarje. Dat
hâldt yn dat in tal fergunningen ôfskaft of wizige wurdt,
sadat mear ferantwurdlikens by de ynwenners dellein wurdt en de gemeente him
beheint ta it stellen fan betingsten en it konterlearjen. De ynwenners kinne sels,
binnen de wetlike easken, de faasje fęststelle; - de boargers moatte goed op de hichte węze
kinne fan de gemeentlike aktiviteiten. De hjoeddeiske
technyske mooglikheden kinne dęrby tapast wurde. Dochs fynt it
CDA-Dantumadiel dat
byienkomsten mei ynwenners needsaaklik bliuwe. Ferrassingen yn belied
en útfiering moatte wy te
foaren komme; - de ferheging fan de
űnreplike-saak-belestingtariven (OZB) wol it CDA beheine ta it persintaazje fan
de ynflaasje. Leezjes moatte
kostedekkend węze; - it CDA-Dantumadiel wol tefoaren komme dat,
troch űnfoldwaande kommunikaasje en
miskommunikaasje, (grutte) projekten fertrage wurde
troch beswieren fan boargers. Ynformaasje-
útwikseling oan belanghawwers (bygelyks buorlju) moat dus yn in ier stadium syn beslach krije en
tagelyk tige transparant węze. Oplossingen moatte
yn oerlis socht wurde yn de begjinfaze fan in
projekt en net as de plannen yn in ôfrűnjende faze binne. As gjin
oerienstimming berikt wurde kin,
moatte de prosedueren sa gau mooglik fan ein gean. 2. In feilich gefoel Op it męd fan iepenbiere oarder en
feiligens kinne neffens it CDA-Dantumadiel de gemeenten yn Noard-east Fryslân
op in tal męden gearwurkje. Sa kinne hja bygelyks hűslik geweld en oare
foarmen fan geweld en oerlęst yn ‘e mande oanpakke troch it ynstellen fan in
meld-, advys- en ynformaasjepunt. In sinjaalteam kin tagelyk mei oare
ynstânsjes previntyf wurkje. Oangeande drank en drugs sil Noard-east Fryslân ek in mienskiplik belied űntwikkelje, mei as útgongspunt
minder drankgebrűk troch jongeren en gjin coffeeshops. Fierdersoan jouwe de
gemeenten omtinken oan previnsje. Dęrby wurdt tocht oan foarljochting,
leefberheidsprojekten, begelieding by werstrukturearringsprojekten, it
Haltprojekt en feech-op-fytbelied. It CDA-Dantumadiel is foar de
ynset fan tafersjochhâlder, dy’t bestjoerlike boeten oplizze kinne moatte.
‘Veelplegers’ moatte sa effektyf mooglik oanpakt wurde (projekt
diederoanpak). Stânpunten: - it CDA-Dantumadiel fynt it wichtich dat
gemeente en ynwenners, benammen as it giet oer iepenbiere
oarder en feiligens, mear kontakt mei elkoar hawwe, mear nei elkoar
harkje en dus mear fan elkoar
leare. Dat alles om de feiligens en it feilichheidsgefoel fan de
ynwenners fan Dantumadiel; - it CDA-Dantumadiel is fan betinken, dat de oerheid de
feiligens fan ynwenners de heechste prioriteit
jaan moat. In goed berikber gemeentlik oansprekpunt op it gemeentehűs
is dęr in needsaak foar. De
ynwenner (kleier/melder) moat op de hichte
holden wurde fan de űndernommen aksjes op syn/har
melding; - dęrneist kinne troch ‘ynwennerpanels’ per doarp (of
doarpen) problemen yntiids beneamd wurde en yn
gearwurking mei de gemeente oanpakt wurde. In buordsje mei de tekst ‘Hjir
surveillearret de
buert’ kin previntyf fertuten dwaan; - fandalisme moat bestriden wurde en de
gefolgen fan fernielerij oan iepenbier grien en strjitmeubilęr
moat sa gau mooglik opholpen wurde, om fierder fertuteazgjen tefoaren
te kommen; - kriminaliteit moat sa gau mooglik oanpakt wurde. It
gemeentlik oansprekpunt, de ynwennerspanels
en in yntegrale oanpak fan probleemgroepen en probleemhűshâldingen,
kinne dęr in grutte bydrage
oan leverje; - jongeren moatte harren ek
thúsfiele yn ús gemeente. Meielkoar libjen ferget dęrby ynspanningen fan
jong en âld; - de gemeente is ferantwurdlik foar in buertrjochte oanpak
by problemen. Dęrby moat gebrűk makke wurde
fan de tsjinsten fan de plysje, helpferlieningsynstânsjes,
wenningboukorporaasjes,
jongereinwurkers en tafersjochhâlders (sinjaalteam); - de oerheid moat de wengebieten en wegen sŕ ynrjochtsje dat
űnferantwurde rydgedrach sa folle
mooglik te foaren kaam wurdt. Dęrby moat in goede balâns fűn wurde
tusken ferkearsremjende
maatregels lykas drompels, rotonden en kontrôles. Ofstimming mei, en
ynspraak fan de
oanbelangjende ynwenners is in earsten eask.
Dęrneist moat oan de ynwenners fan wengebieten
dúdlik makke wurde dat benammen eigen bewenners faak soargje foar
űnfeilich ferkearsgedrach yn
harren wyk. Bewustwurding is in earste stap nei in (ferkears)feiliger
wenwyk; - de ferkearsfeiligens yn de gemeente moat ferhege wurde. Unferantwurde
rydgedrach moat strang oanpakt wurde. De gemeente moat, yn gearwurking
mei de plysje kontrolearje; - tafersjochhâlders, ynwennerspanels, mar ek doarpsbelangen kinne in aktive bydrage leverje om
plakken oan te jaan dęr’t dat rydgedrach faken foarkomt; - troch it ôfjaan fan in brűkersfergunning en it hâlden fan
kontrôles moat de gemeente de brânfeiligens
fan iepenbiere gebouwen garandearje. Op it jin net hâlden oan de
rjochtlinen foar brânfeiligens moat
in sekuer sanksjebelied tapast wurde. De boarger moat dy gebouwen
nammentlik sűnder him
soargen meitsje te hoegen oer de feiligens dęrfan yngean kinne; - de gemeente moat in aktueel rampeplan hawwe en taret węze
op mooglike rampen dy’t barre kinne.
Ofstimming en gearwurking mei oanswettende gemeenten is binnen de rampbestriding in eask,
krektlyk as it jierliks oefenjen mei alle partners yn de
helpferliening. 3. Alles draait om feiligens en
mobiliteit It CDA-Dantumadiel stribbet dernei om it oantal ferkearsslachtoffers yn de
regio te ferlytsjen mei minimaal 25 %. Meidat de measte ferkearsslachtoffers
op de provinsjale wegen falle, wol it CDA-Dantumadiel de druk op de provinsje
ferheegje om dy wegen feiliger te meitsjen, bygelyks de Ljouwerterdyk, de
Lauwersseewei en de Trekwei. Yn de beboude kűm moat de
feiligens om de skoallen hinne ferbettere wurde. Tagelyk is permaninte
ferkearsedukaasje nedich om feilich ferkearsgedrach yn ‘e hân te arbeidzjen.
En by eintsjebeslút fine wy ferkearsfeilige berms wichtich yn dit ramt. It
CDA-Dantumadiel fynt dat foar in goede űntsluting fan Noard-east Fryslân it
net sűnder de Sintrale As kin. De nije wei betsjut foar Dantumadiel dat de doarpskearnen
feiliger wurde en de leefberens en de berikberens fan de gemeente sterk
ferbetterje sille. Dy Sintrale As is finansjeel mooglik te meitsjen mei jild
út it Waadfűns en mei de opbringsten fan ‘ekstra wenjen en wurkjen’ (sjoch it
Streekplan). As it ta in útdragen saak kaam is,
sil it netwurk fan de Noard-east Fryske űntsluting bestean út de Heak om
Ljouwert, de Noardwest-tangint, de Sintrale As, de Betonwei (is al klear) en
de noch oan te passen Skieding. De rűnwei om Bűtenpost en de
Trekwei tegearre moatte op lykwichtige wize it ferkear ferwurkje kinne,
sűnder dat der slűpferkear űnstiet. It CDA-Dantumadiel wol dat it
weibyld yn Noard-east Fryslân űndűbelsinnich wurdt. Fierdersoan is it
CDA-Dantumadiel fan betinken dat it ynstellen fan 30- en 60-kilometersônen
keppele wurde moat oan grut űnderhâld en dat de
situaasje op de plakken en it behâld fan besteande busrűten trochslachjaand
is. It CDA-Dantumadiel wol ta op in
goede iepenbiere ferfiersfoarsjenning foar alle ynwenners, mei in frekwinte
busferbining tusken de doarpen en stęden en nei de
stasjons en in CVV-Regiotaksje op it plattelân en yn de doarpen.
Foarsjenningen foar ferfier en ynfaliden, de âlderein en siken moat optimaal
gebrűk fan makke wurde. Stânpunten: - it CDA-Dantumadiel wol him hurd meitsje foar in westlike
rűnwei om De Westerein by it spoar del. Dat trajekt komt yn byld sagau’t
dúdlik is dat de Eastlike rűnwei net
foldwaande oplossingen biedt om de ferkearsdrokte op de
Tsjerkestrjitte en de Ferlingde Stasjonsstrjitte te ferminderjen; - it CDA-Dantumadiel set him derfoar yn om op
koarte termyn rotonden (of oare ôfdwaande oplossingen) op de
gefaarlike krusingen yn de Lauwersseewei by De Geast en
Stiennendaam; - it CDA-Dantumadiel wol goed űnderholden trotwaars, dat yn
ferbân mei it tanimmend rollatorgebrűk; - fytspaden moatte
foldwaande breed węze foar in fyts en in ynfalidekarre (scootmobyl) neist
elkoar; - it bestriden fan de gledte is ek in ferantwurdlikheid fan de ynwenner. Dęrom wol it
CDA-Dantumadiel dat foar de berikberens en feiligens fan de trotwaars en oare
gongelpaden troch de gemeente sâlt beskikber steld wurdt oan
ynwenners; - it CDA-Dantumadiel wol ta op maatregels om de feiligens
fan fytsers yn it bűtengebiet te ferbetterjen. Dęrby moat der spesjaal
omtinken węze foar de berms en de
weibridte yn ferbân mei it lânbouferkear. 4. It wengeniet fan Dantumadiel Dantumadiel moat syn namme as
wengemeente wier meitsje. It nije Streekplan liket ús mear rűmte te bieden.
Dęrom moatte prikken yn it wurk steld wurde foar plannen foar sawol de koarte
as de lange termyn. Wy pleitsje foar de neikommende
stappen: - gau nije fleksibele bestimmingsplannen opstelle; - slachfeardich hannelje op de grűnmerk; - maksimaal gebrűk meitsje fan ekstra wenningen, ornearre
foar Noard-east Fryslân. Stânpunten: - it CDA-Dantumadiel is foar de bou fan libbensrinbestindige
hierwenten; - foar minder draachkrachtigen, lykas bygelyks
jongeren, moatte ek keapwenningen boud wurde dęr’t
de stiftingskosten en de lęsten foar enerzjy en űnderhâld fan op te
bringen binne. Dęrfoar kin bygelyks gebrűk makke wurde fan de
startersliening; - der moatte foldwaande perselen foar selsbouwers útjűn
wurde; - der moat op koarte termyn mear boud wurde
foar senioaren, ek yn de (djoerdere) hiersektor. Wy
moatte yn dat ferbân ek tinke oan wenjen yn
kombinaasje mei
soarchfoarsjenningen, bygelyks yn wen-soarchsônen; - it gebrűk fan enerzjybesparjende techniken yn de
wenningbou moat stimulearre wurde; - yn de nije bestimmingsplannen moat eksplisyt rekken holden
wurde mei de leefberens fan de takomstige bewenners. Dat betsjut: in miks fan
wenningen foar in ferskaat
oan doelgroepen, foldwaande iepenbier grien,
3 % fan de rűmte foar berneboartersplakken en foldwaande ferljochting; - yn nije bestimmingsplannen moat foldwaande rűmte węze foar
de jongerein om byelkoar te kommen; - der moat omtinken węze foar sosjale feiligens yn (nije)
wenwiken: gjin nearzige plakken meitsje; - it CDA-Dantumadiel wol foar wenningbou earst
de besteande mooglikheden yn de doarpen brűke
(ynwreidzje), dęrnei komt útwreidzjen. It CDA-Dantumadiel makket him
dęrom sterk foar in rűm iepen-gatte-belied; - it CDA-Dantumadiel is foarstanner fan it op ‘e nij brűken
fan leechkommende en leechsteande agraryske bebouwing foar wenjen; - de bou fan nije lânhűzen op plakken dęr’t agraryske
bebouwing en aktiviteit harren funksje ferlern hawwe, wurdt yn ‘e hân
arbeide; - it CDA-Dantumadiel is fan betinken dat wolstânsfrij bouwen
ta de mooglikheid hearre moat; - foar trochstreaming yn de
wenningmerk en om nije ynwenners yn te heljen, moat neitocht wurde oer
djoerdere wenprojekten. 5. Wurkgelegenheid is leefberens Der is in trijetal aspekten fan
belang by it beoardieljen fan de ekonomyske űntjouwing fan Noard-east
Fryslân. Dat binne de lizzing fan Noard-east Fryslân foar ekonomysk sterke
gebieten yn Nederlân oer, de berikberens fan ús regio, en de
mooglikheden fan de bedriuwen om produksjeprosessen te fernijen en nije
produkten te produsearjen (ynnovaasje). As gefolch fan it feit dat
Noard-east Fryslân op it fuottenein fan Nederlân leit, hat
it bedriuwslibben him yn de regio minder sterk űnwikkele en as nedich is foar
in tarikkend oanbod fan banen. No’t it belang ôfnimt fan de agraryske sektor,
dęr’t in soad minsken (han)wurk fine koenen, is dy
sektor ek as banebieder yn it neigean; spitigernôch sil de wurkgelegenheid yn
de heine takomst noch fierder tebekrinne. Op it stuit sit Noard-east Fryslân
tangele mei in tekoart oan wurkgelegenheid, in te lege gemiddelde
opliedingsgraad troch it fuortgean fan heger oplaten, in te leech nivo fan
ynnovaasje en in te lyts tanimmen fan it tal bedriuwen. De mooglikheden dy’t de Nota Rűmte
biedt en dy’t it Streekplan liket biede te sillen, moat sa gau mooglik
ferwurke wurde yn de bestimmingsplannen. Wy pleitsje foar in ôfstimming fan
de bestimmingsplannen bűtengebiet yn Noard-east Fryslân, om effektyf gebrűk
meitsje te kinnen fan dy mooglikheden. Wy tinke dęrby oan skaalfergrutting,
de rűmte-foar-rűmteregeling, en passende bedriuwichheid yn it bűtengebiet.
Frijkommende agraryske gebouwen kinne brűkt wurde foar rekreaasje en duorsume
semy- of net-agraryske aktiviteiten. Fansels meie sokke aktiviteiten it
besteande agraryske bedriuwslibben net yn ‘e wei stean. It CDA-Dantumadiel is yn de
fjouwer Noard-east Fryske gemeenten mei-inisjatyfnimmer ta de mienskiplike
NOFA, lykas dy yn 2004 fęstlein is yn de Regiofyzje. Yn dat stik mei de titel
‘Sterk op eigen wijze’, meitsje de fjouwer NOFA-gemeenten harren sterk foar
it ferlytsjen fan de ekonomyske spjalt tusken Noard-east Fryslân en de rest
fan ús provinsje. Yn dat ferbân winskje hja 2500 ekstra wenningen yn it
mienskiplike NOFA-kontigint. Wenjen is in ekonomyske
faktor op himsels: de bou fan ien wenning leveret twa manjierren wurk op, en
fjouwer bewenne wenningen leverje jierliks ien wurkplak op. Stânpunten: - it CDA-Dantumadiel wol de tsjinstferliening foar
űndernimmers sterk ferbetterje. Dat hâldt yn dat aktyf socht wurde moat nei
nije űndernimmers, dat bedriuweterreinen op
foarrie lizze en oan űndernimmers meiwurking jűn wurdt al foardat
fergunningen oanfrege wurde. Potinsjele űndernimmers moatte harren wolkom
fiele yn ús gemeente; - op guon bedriuwsterreinen moat de kombinaasje fan wenjen en wurkjen, űnder krekte
betingsten, mooglik węze; - bestimmingsplannen moatte op oarder węze meidat spesifike
prosedueres suver net tapast hoege te wurden. Prosedueres moatte mei faasje,
tranparant en krekt
ôfhannele wurde. Geunstige fęstigingsbetingsten lykas it űntsluten fan
bedriuwsterreinen is needsaaklik; - Dantumadiel moat troch it ferkearsprojekt
Sintrale As ek ekonomysk winst meitsje. It
CDA-Dantumadiel makket him sterk foar ekstra wenningen en bedriuweterreinen
op sichtlokaasjes; - de gemeente Dantumadiel moat oan űndernimmers rűmte biede
foar ynnovative űntwikkelingen op it męd fan duorsume enerzjy, lykas
dongfergisting, houtferbrâning en –
fergassing, gebrűk meitsjen fan sinne- en wynenerzjy en folle net
genôch. Neist duorsume enerzy kinne dy techniken soargje foar
oanfoljend ynkommen. 6. Buorkje
mei perspektyf Yn
Noard-east Fryslân stiet de lânbou ek űnder druk troch tanimmende
regeljouwing en merkwurking. Skaalfergrutting, yntinsivearring en ferbreding
binne dęrop it antwurd foar libbensfetbere bedriuwen. It CDA-Dantumadiel is
fan betinken dat yn Dantumadiel by útstek rűmte is foar dy bedriuwen en dat
de regeldruk út de gemeente wei fermindere wurde moat. It
CDA-Dantumadiel wol ek duorsumer enerzjyproduksje as ynkomsteboarne op it
plattelân ek mooglik meitsje. Griene tsjinsten en blauwe tsjinsten moatte ek
merkkonfoarm (reëel) fergoede wurde. Dat belanget yn Dantumadiel it űnderhâld
fan houtwallen en elzesingels oan, mar ek it opheinen fan guozzen en wetter
dat oer en tefolle is, en ek it botanysk behear en greidfűgelbehear. De agrariër is űnmisber foar in
fitaal plattelân en dat moatte de ynwenners en de
oerheden dan ek wurdearje. Net allinnich mei wurden, mar ek
mei middels. Stânpunten: - de gemeente stribbet
nei maksimale űntwikkelingsmooglikheden foar de agraryske sektor. Lanlik
belied is útgongspunt; - agrariërs kinne in wichtige rol spylje by it behear fan it
bűtengebiet en lânskipsűnderhâld. Dęr węr’t de gemeente wurk útbesteegje kin,
moat oan de sektor dęrta de kâns
bean wurde; - it CDA-Dantumadiel wol mei yngong fan 1 jannewaris 2008 in
nij bestimmingsplan bűtengebiet. Yn dat nije plan moat gjin űnderskied mear
makke wurde tusken de
bestimming Agraryske grűnbűn (AG) en Bedriuwsbűn agrarysk (BA), meidat
agrariërs mear fleksibiliteit krije yn harren bedriuwsfiering. Yn lanlik
miljeubelied en
provinsjaal en gemeentlik rűmtlik belied wurde de rânebetingsten al
regele. Yn it nije plan moat ek it boublok foar
agraryske bedriuwen fergrutte wurde; - der moat rűmte komme foar nije aktiviteiten yn leechkommen
agraryske gebouwen. Dy meie lykwols sittende agrariërs yn de omkriten net yn
‘e wei sitte by harren
bedriuwsfiering; - de gemeente moat yn oerlis mei de agraryske organisaasjes
de lânbou stimulearje op dy plakken dęr’t rűmte is, benammen yn gefallen
dęr’t agrariërs wike moatte foar
natuer, de Sintrale As, útwreiding fan doarpen en folle net genôch.
Dat kin troch bygelyks as gemeente in aktive rol te spyljen by it sykjen nei
in nij fęstigingsplak en
troch it stimulearjen fan kaveluil. Sa kinne wy de lânbou yn
Dantumadiel, ynklusyf besibbe wurkgelegenheid, op peil hâlde; - it Nasjonaal Lânskip moat de agrariërs oanfoljende
ynkomsten (subsydzje foar griene tsjinsten) biede foar de beheiningen yn de
bedriuwsfiering. It CDA-Dantumadiel wol
dat de ynrjochtingssubsydzje dęrom safolle mooglik te’n goede komt oan
lânskipsűnderhâld. De Vereniging voor Agrarisch Landschapsbeheer Dantumadeel
(VALD) is
de útfierende organisaasje yn gearwurking mei
sosjaal wurkbedriuw TRION. 7. Regels moatte
ienfâldich en dúdlik węze Yn stân hâlden en tafersjoch is yn de gemeente fan tapassing op miljeu,
rűmtlike oardering, it boubeslút en de Algemiene Pleatslike Feroardering
(APF). Utgongspunten dęrby binne neffens it CDA-Dantumadiel dúdlikens,
kostebesparring en klantfreonlikens, en ek it
stimulearjen fan eigen inisjatyf en ferantwurdlikens by de ynwenners. Stânpunten: - it CDA-Dantumadiel stribbet
nei ferienfâldiging fan regeljouwing en fergunningebelied. De gemeente leit ek gjin ekstra regeljouwing boppe-op it lanlike belied; - miljeu en rűmtlike foarskriften moatte dúdlik, sinfol en
útfierber węze, it yn stân hâlden moat ferfolgens konsekwint syn beslach
krije; - âlde bestimmingsplannen moatte safolle mooglik wersjoen
wurde. It CDA-Dantumadiel wol mei folle minder bestimmingsplannen nei in
slachfeardich belied ta. De
gemeente hâldt troch de wei fan in helder foartrajekt rekken mei de
winsken fan belanghawwers. Nei de fęststelling biedt it plan mooglikheden
foar in fleksibele ynfolling; - űndernimmers dy’t harren neffens de foarskriften fęstigje
wolle of útwreidzje wolle, moatte stipe wurde; - fan ein geande űndernimmers moatte de kâns
krije om stadichoan yn harren bedriuw groeie te kinnen, ek
as der net fuortdaliks ynkommen út helle wurde kin. 8.
In skjin, sűn en grien Dantumadiel Heech
yn it findel fan it CDA-Dantumadiel stiet rintmasterskip. Hoewol’t dy
opdracht alle beliedsmęden beslacht, jildt it yn it bysűnder foar
miljeubehear. It
neilibjen en yn stân hâlden fan miljeufoarskriften sil de kommende tiid dan ek ekstra omtinken krije moatte. Om it miljeu te sparjen
moatte wy it lossen fan skealike stoffen op it bűtenwetter tefoaren komme. Op
plakken dęr’t riolearring net helber is, binne de saneamde
Yndividuele Behannelings Offalwetter (IBA’s) mei klam yn byld. Stânpunten: - it CDA-Dantumadiel wol duorsume enerzjyproduksje yn
Dantumadiel stimulearje. Wy tinke oan sinne- en wynenerzjy, dongfergisting,
houtferbrâning, ferbou fan biobrânstoffen en kompostearring, benammen
yn projekten mei ynwennerpartisipaasje; - de bou fan duorsume nije wenningen mei in
leech enerzjyferbrűk moat befoardere wurde; - it CDA-Dantumadiel wol aktyf ynsette op
minder hűssmoargens en grienôffal. De besparring moat streekrjocht te’n goede komme oan de
ynwenners; - rioeloerstoarten moatte oan hege easken
foldwaan, sadat lossing yn oerflaktewetter allinne by hege útsűndering
(ekstreme rein) bart. By nijbou en renovaasje yn de
beboude kűm is it CDA-Dantumadiel foar aparte rioelstelsels; - fertuteazgjen fan ús gemeente wurdt
bestriden troch yn ‘e mande mei de ynwenners wurk te meitsjen fan in skjinner
leefmiljeu, tink ek oan omtoarkjende smoargens en
hűnestront. De gemeente jout it foarbyld en stjoert oan en dęrby moat
in berop dien wurde kinne op de eigen ferantwurdlikens čn de meiwurking fan
de yndividuele
ynwenners en buerten. 9. Meielkoar libje docht men net
allinnich Wolwęzen is in breed męd dęr’t de
oerheid mar in beskieden rol op spilet. Yn Noard-east Fryslân hawwe wy in
tradysje dęr’t it giet om in goed organisearre ferieningslibben, gefoel foar
kultuer en in hege mjitte fan soarch foar de meiminske (mantelsoarch).
Frijwillige ynset fan in soad is it semint fan de maatskippij! It
CDA-Dantumadiel is fan betinken dat dęrom bliuwende ynset fan frijwilligers
tige wichtich is. Dochs wurde hieltyd mear soarchlike lűden heard oer it
finen fan frijwilligers. Yn ‘e mande mei oare gemeenten yn Noard-east Fryslân
moat in kręftich belied fierd wurde om frijwilligers te behâlden. Foar swakken yn de maatskippij
moat de gemeentlike oerheid neffens it CDA-Dantumadiel jimmeroan in skyld
węze. Regionale gearwurking is needsaaklik foar optimale soarch . Meikoarten komt de Wmo (‘Wet maatschappelijke ondersteuning’) op it
buordsje fan de gemeente. Langduorjende soarch en maatskiplike stipe wurde
skaat. Gemeenten sille de lichtere foarmen fan help
en stipe organisearje moatte. De Wmo draacht der ta by dat minsken sa lang
mooglik selsstannich funksjonearje. Mar ek yn breder
ferbân sil de Wmo him jilde litte, te tinken falt oan wolwęzensaktiviteiten,
opfiedingsstipe, wenningoanpassingen, ynformaasje en advys. Stânpunten: - it CDA-Dantumadiel wol it frijwilligerswurk safolle
mooglik stimulearje en stypje; - de doarpshűzen binne űnmisbere skeakels yn ús mienskip.
Sűnder ynset fan frijwilligers en draachflak yn it doarp kin it net. Under dy
betingsten is it CDA-Dantumadiel
ree om yn minne tiden by űnfoarsjoene kosten by te springen yn de eksploitaasje; - it CDA-Dantumadiel is fan betinken dat de gemeente de
boargers stimulearje moat om lid te wurden fan de bibleteek. Dat is fan grut
belang foar it yn stân hâlden fan dy
foarsjenning yn űnderskate doarpen; - it CDA-Dantumadiel wol wolwęzensaktiviteiten ticht by de
minsken bringe. Ynformaasje en advys oer saken as sűnenssoarch,
opfiedingshelp en wenningoanpassingen
kinne út in sintraal punt yn it doarp (stipepunt doarpshűs) wei jűn
wurde; - by opfiedings- en oare maatskiplike problemen is iere
sinjalearring essinsjeel. It CDA-Dantumadiel fynt dat maatskiplike help mei
faasje bean wurde kinne moat. Ynset
fan Yntersoarch en Algemien maatskiplik wurk kinne dy soarch biede. Yn ´e mande mei de jongerein en
harren âlden It mei sein wurde: mei it grutste
part fan de jongerein giet it goed. Ut yntergemeentlik űndersyk docht bliken
dat 85 % fan de jongerein gjin problemen hat.
Lykwols, de problemen fan de oare 15 % wurde wol hieltyd mear komplisearre.
Learkręften wurden jimmeroan mear konfrontearre mei mearfâldige problematyk
fan learlingen en opfiedingsfragen fan âlden. Yn alle gemeenten yn Noard-east
Fryslân binne der soargen oer it (te) hege alkoholgebrűk űnder jongfolk; it
gebrűk fan (soft)drugs űnder jongfolk jout hieltyd
mear soarch. Oerlęst is fansels in relatyf
begryp, mar der wurdt benammen yn it sneinoer hieltyd mear oerlęst űnderfűn
en fernieling fęststeld. Ek al binne âlden en fersoargers primęr
ferantwurdlik foar de opfieding fan harren bern,
dochs hat de maatskippij dęrby in ferantwurdlikheid. Meidat der hieltyd
minder sosjale gearhing is (buorlju, famylje, tsjerken), sil dy stipe no mear
troch helpferlieners bean wurde moatte. Der binne aldergelokst in soad
foarmen fan helpferliening, mar de mooglikheid is dat jongfolk mei problemen
dy helpferliening min wit te finen. Dęrom is it wichtich dat dy
helpferliening leechdrompelich is, en dat de jongerein sels behelle is by it
űntwikkeljen fan jongerein- en jongfolkbegelieding. It Stipepunt Jongereinsoarch,
it netwurk om de risikojongerein hinne, moat as meldpunt noch mear bekendheid
krije. Mienskiplik belied yn Noard-east
Fryslân moat űnder oare gean oer: - ynfiering fan de ‘Wet maatschappelijke ondersteuning’ (Wmo); - sluterstiden fan horekagelegenheden; - foarljochting op skoallen oer alkohol- en druggebrűk; - yntegrale beneiering fan problemen troch de wei fan in
beliedsgroep, dęr’t ynstellingen, jongereinwurkers en de jongereins sels in
wichtige rol yn spylje. Stânpunten: - it CDA-Dantumadiel wol jongeren safolle mooglik bewust
meitsje fan harren plak yn de gemeentlike maatskippij, bygelyks troch de wei
fan it Jongere Ynspeksje Team,
de Jongereinrie en it
Jongereinparlemint; - jongerein- en jongfolkwurk moat yn ‘e mande mei it
jongfolk ynfolle wurde; - it CDA-Dantumadiel wol dat it Stipepunt Jongereinsoarch
mear bekendheid krijt en dat dęr dus better gebrűk fan makke wurdt; - it CDA-Dantumadiel is fan betinken dat wy de hingjongeren
wat biede moatte om ta in mear sinfolle besteging fan harren frije tiid te
kommen. Yn ‘e mande mei de
jongeren, harren âlden en de jongereinwurker moat socht wurde nei
oplossingen, bygelyks yn sport en frijwilligerswurk; - foarljochting oer alkohol- en druggebrűk en âlden, op
skoallen en by ferieningen bliuwt in needsaak. Yn ‘e
mande mei de senioaren Troch de feroaringen yn it
âlderebelied en yn de Algemiene Wet Bysűndere Syktekosten (AWBZ) krijt de
gemeente hieltyd mear te krijen mei saken dy’t âlden oanbelangje. Benammen de
allinnichsteande âldere mei in lyts ynkommen hat
spesjaal omtinken nedich. In ynstrumint dęrby is de bysűndere bystân en de
frijskatting fan gemeentlike belestingen. In mienskiplik minimabelied yn
Noard-east Frysk ferbân soarget foar in gelikense behanneling en kin fersterkjend
wurkje. It is winsklik, dat der ien loket
is dęr’t ynformaasje en advys jűn wurdt oer foarsjenningen yn it ramt fan
wenjen, soarch en wolwęzen. Goede kommunikaasje mei
âldere-organisaasjes is fan węzentlik belang: net prate oer, mar prate mei
âlderen, sil it kredo wurde moatte. Alderen moatte folweardich dielnimme
kinne oan de maatskippij. Hieltyd minder âlderen wolle yn de beskerme
omjouwing fan in fersoargingshűs wenje. De measten stribje dernei om salang
mooglik selsstannich te wenjen. Dat betsjut dat hja
de nedige soarch sa lang mooglik yn harren eigen wenomjouwing krije wolle. De kliďntstiper moat dęryn in
stjoerende en koördinearjende rol hawwe en ynventarisearje wat nedich is om
in goed soarchbelied te stypjen en mei foarm te jaan. Gemeenten hawwe in stjoerende en
betingsteskeppende taak. Soarchoanbieders en soarchfregers kinne yn ‘e mande
mei de gemeente soargje foar in goede ôfstimming fan help.
Gearwurkingsferbannen (węrűnder tsjerken en de Stifting Wolwęzen Dantumadiel)
hearre dęryn te partisipearjen. Foar alle partijen is it fan belang om yn te
spyljen op de effekten fan de fergrizing, om net
achter de feiten oanrinne te moatten. Tefoaren kaam moat wurde dat âlderen yn
in isolemint reitsje. Dęrby moat de oanfoljende âlderesoarch sa leech mooglik
yn de eigen omjouwing jűn wurde. Stânpunten: - âlderen jouwe sels oan węr’t hja ferlet fan hawwe. Goed
oerlis mei de senioarerie en oare âldere-organisaasjes lykas de ANBO en de
PCBO moat fęstlein wurde yn de
gemeentlike organisaasje; - de kliďntstiper moat ynset wurde om it ferlet űnder
âlderen ynsichtlik te meitsjen. It CDA-Dantumadiel wol, as
dat nedich is, op ‘e nij jild oan ‘e kant lizze om dy funksje
yn de gemeente te hâlden; - it CDA-Dantumadiel wol befoarderje dat âlderen sa lang
mooglik op harsels bliuwe kinne, bygelyks yn lytsskalige wenfoarmen of
wen-soarchsônen, passend by de
hjoeddeiske fraach út de maatskippij. It is nedich dat âlderen de soarch dęr’t ferlet fan is sa lang mooglik yn harren
eigen wenomjouwing krije kinne; - it CDA-Dantumadiel wol bysűnder omtinken foar it isolemint
fan âlderen dy’t net mear selsstannich harren hűs ferlitte kinne. It moat
stimulearre wurde om mei frijwilligers
út it doarp (of de buert) dęr mienskiplik in
besitesysteem op te setten. Sport hat
in soad funksjes Krekt de gemeente kin sűn bewegen
stimulearje troch de sport te befoarderjen. Sportferieningen hawwe dęrby in
kaaiposysje. De gemeente kin de sport brede stjoering jaan troch de wei fan
projekten, en dęrmei oan de sportferieningen hanfetten jaan om in goede
libbensstyl te befoarderjen. Dęrneist binne sportferieningen ek fan belang foar de maatskiplike opfieding. Fia
wedstriid en spul űnderfine jongeren dat spulregels by de maatskippij hearre.
Behalven foar de boppeneamde brede stjoering sil de gemeente him ek ynsette moatte foar it nivo fan de kaderfunksjes en it
frijwilligerswurk fan dizze maatskiplike organisaasjes. Stânpunten: - it CDA-Dantumadiel wol dat de sportakkomodaasjes yn
Dantumadiel konkurrearjend wurde. Der sil benammen ynset wurde moatte op
ekstra gebrűk, lykas
eveneminten. Privatisearring of behear
útbesteegje slút it CDA-Dantumadiel net út; - it CDA-Dantumadiel wol aktyd belied fiere om
safolle mooglik jongfolk sporte te litten, ek as
middel yn de striid tsjin ferfeling, net-winske hâlden en dragen
(hingjongeren)
en oergewicht. 10. Soargje foar elkoar De gemeente hat
as wichtige taak de swakken yn de maatskippij in helpende hân te bieden. No’t
de mooglikheden dęrta fan rykswegen hieltyd mear
beheid wurde, sil de gemeentlike organisaasje noch mear as foarhinne neigean
moatte hokker help bean wurde kin. De ynfiering fan de Wet maatskiplike stipe
jout nije kânsen om it sosjaal belied in eigen gesicht te jaan binnen de
rűmte fan de wet. Dęrneist sil ek in aktyd belied
fierd wurde moatte om meiboargers net yn in sosjaal isolemint reitsje te
litten. Mooglikheden moatte űndersocht wurde om minimabelied yntergemeentlik
ôf te stimmen of út te wreidzjen. De útfiering fan de Wet Sosjale
Wurkfoarsjenning is in wichtige ferantwurdlikheid foar de gemeente.. Dy sil űndersykje moatte oft SW-bedriuwen en
reyntegraasje-aktiviteiten elkoarren fersterkje kinne wat de
mooglikheden ta wurk oanbelanget. Tsjerken en oare maatskiplike organisaasjes
ferfolje in wichtige rol by de bewustwurding fan
maatskiplike problemen, lykas earmoede en sosjaal isolemint. De gemeente moat
dan ek omtinken jaan oan de fraach hoe’t hy de
organisaasjes by de sosjale problematyk behelje kin. Stânpunten: - it bystânsbelied moat rjochte bliuwe op de begelieding nei regulier wurk. Yn dy gefallen dęr’t de gewoane arbeidsmerk net helber is, wurdt
frijwilligerswurk stimulearre; - it persoansbűne budzjet foar soarch jout de minsken de
frijheid om de eigen soarch yn te keapjen op mjitte. It CDA-Dantumadiel is
fan betinken dat it gemeentlik belied
dęrop ôfstimd węze moat; - de sosjale wurkfoarsjenning is in wichtige
ferantwurdlikheid fan de gemeente. Dantumadiel moat űndersykje oft
SW-bedriuwen en reyntegraasjebedriuwen elkoarren
fersterkje kinne wat de mooglikheden ta wurk
oanbelanget; - it CDA-Dantumadiel wol ekstra omtinken foar
skuldhelpferliening. In aktyf belied op begelieding fan ynwenners om te
learen om te gean mei finânsjes en it fieren fan in
administraasje moat yn stân holden wurde en as dat nedich is útwreide
wurde; - in fęst oansprekpunt dęr’t ynformaasje en advys ynwűn
wurde kin oer űnder oare bysűndere bystân en oanfoljende
syktekostefersekering is nedich. 11. In takomst foar ús kulturele
erfenis Op kultureel gebiet giet it derom,
de weardefolle histoaryske skatten en kulturele
gebrűken foar de generaasjes nei ús te bewarjen. Soargje foar in duorsume
ferfolchbestimming sil in hege prioriteit hawwe, no en yn de takomst.
Foarbylden dęrfan binne de Fryske taal en de sosjale gearhing (koheezje) yn
de doarpen en op it plattelân. Mar ek it suteljen
mei selsmakke produkten by de doarren del, de hannel en de lytsskalige
hobbymjittige feehâlderij yn de Noardlike Fryske Wâlden. De gemeente moat each hawwe foar
de neidielige ynfloed fan de fergrizing op kulturele
ferieningen en de lytse kearnen. Foar de leefberens is it goed om de niget fan de jongeren dęrfoar libben te meitsjen. De Fryske taal moat in aktivere
rol spylje yn it gemeentlik belied. Frysk is gjin histoarysk restferskynsel,
mar in libben kommunikaasjemiddel, sawol műnling as skriftlik. Stânpunten: - it CDA-Dantumadiel set him yn foar it behâld
en de útwreiding fan pleatslike kultuerhistoaryske
aktiviteiten. Dęrby wurde partikuliere inisjativen dęr’t de wurkgelegenheid by stimulearre wurdt, fansels stipe; -
it CDA-Dantumadiel set him yn foar it
behâld fan de hobbymjittige feehâlderij, fokútstallingen en hannel (suteljen
by de doarren - it CDA-Dantumadiel is foarstanner fan twatalige plaknammebuorden
mei de Fryske namme boppe en de Hollânske namme űnder. Ynfiering wurdt dien
by ferfanging fan
de buorden; - offisjele nammen fan nije (gemeentlike) gebouwen,
strjitten, bręgen en wetters wurde Frysk; - it CDA-Dantumadiel stribbet
dernei om besteande Nederlânsktalige iepenbiere nammen te ferfangen troch
Fryske, as dat kosteneutraal syn beslach krije kin. It
bedriuwslibben wurdt dęr ek ta stimulearre. 12. Kânsen yn it űnderwiis Gemeenten kinne op it męd fan
űnderwiis hieltyd mear in eigen belied fiere. Dęr giet in analyze fan de
problemen oan foarôf. Noard-east Fryslân skaaimerket him troch in relatyf
hege wurkleasheid, en it persintaazje leech oplate âlders is dęr grut. Dat hat syn útwurking op de bern: it ambysjenivo is net heech;
in soad bern kieze foar in oplieding űnder harren nivo. Underwiis efterstân
fynt syn oarsaak foar it grutste part yn de foarskoalske perioade en docht
benammen bliken oan taalefterstân. Bern dy’t by it begjin fan harren
skoalrinpaad in efterstân hawwe, rinne dy net maklik yn, węrtroch’t de kâns grut is dat hja letter op in ferskaat oan męden út
‘e boat falle. Bern ferskille yn jeften en talinten, mar elk bern heart gelikense kânsen te hawwen.
Underwiiskânsebelied foarmet it hert fan it gemeentlik űnderwiisbelied. Yn it fuortset űnderwiis, benammen
yn it MBO, wurde tefolle iertiidske skoalferlitters oantroffen. Dy jonge
minsken hawwe in grutte efterstân op de arbeidsmerk.
Dęrom moat elke iertiidske skoalferlitter as noch binnen syn mooglikheden in
diploma helje. Om dat te berikken is it kombinearre learen en wurkjen in
doeltreffende oanpak. Gearwurking liedt meastentiids ta
in dúdlike mearwearde, benammen by oerienkomstige problematyk lykas yn de
Noard-east Fryske gemeenten. Op in soad gebieten soe dęrom oparbeide wurde
kinne, űnder oare: -
troch it tebekkiringen fan it
skoalfersűm, dęr’t de learplichtamtners in wichtige rol spylje; -
by it űnderwiiskânsebelied; -
by it learlingeferfier; - by de ferselsstanniging fan it iepenbier űnderwiis; - yn de
folwoechsenedukaasje; - by it sykjen fan staazjeplakken en wurk/learplakken; - by de maatskiplike staazje. Stânpunten: -
it CDA-Dantumadiel set him yn foar it
behâld fan it kristlik űnderwiis yn Dantumadiel; - foar de leefberens yn de doarpen moatte wy
derop ta, dat ek yn de lytse kearnen (dependânsen)
fan skoallen bestean bliuwe; - it iepenbier űnderwiis moat, lykas it kristlik űnderwiis,
selsstannich funksjonearje; - om tefoaren te kommen, dat bern in efterstân oprinne, jout it CDA-Dantumadiel
prioriteit oan foar- en ierskoalske edukaasje. Efterstannen moatte yntiids sinjalearre en
oanpakt wurde; - it CDA-Dantumadiel sjocht in soad goede
űnwikkelingskânsen foar alle bern yn de foarming fan
de ‘brede skoalle’. It CDA-Dantumadiel set him yn om dy yn De Broek
stal te jaan. By goed funksjonearjen moat dy skoalfoarm útwreide wurde
nei de oare doarpen; - funksjoneel analfabetisme moat besprekber makke wurde en
troch de wei fan folwoechsenedukaasje oanpakt wurde; - it CDA-Dantumadiel makket him sterk foar it űnderwiis yn
de Fryske taal; - de gemeente moat in stimulearjende rol spylje om it Frysk
histoarysk besef en de gemeentlike omjouwingsskiednis yn it űnderwiis fęst te
lizzen; - it CDA-Dantumadiel kiest foar kwalitatyf goed űnderwiis yn
goed űtillearre gebouwen, dęr’t nije űntwikkelingen yn it űnderwiis by
opnommen wurde yn de
hűsfęstingsferoardering; - it CDA-Dantumadiel sjocht it belang fan de maatskiplike
staazje, dęr’t jongeren aktyf yn yn ‘e kunde komme kinne mei
frijwilligerswurk. Yn oerlis mei de skoaldireksjes
kin űndersocht wurde, węr’t dat
ynpasber is yn it lesprogramma en ynfierd wurde kin. De gemeente stimulearret
(bygelyks yn gearwurking mei de frijwilligersintrale)
dernei de ynwenners/ferieningen om staazjeplakken oan te bieden. 13. Oantreklik Dantumadiel It gebied Noard-east Fryslân wurdt
skaaimerke troch ręst, rűmte, in iepen karakter en ferskate kultuereleminten.
Toerisme is by útstek gaadlik om in bydrage te leverjen oan in ferantwurde
ekonomyske űntjouwing. Natuer is nammentlik net allinne om te behâlden, mar ek om fan te genietsjen. Op toeristysk męd binne hjirre in
tal wichtige trekpleisters. De gemeente hat in
betingsteskeppende rol as it giet om it winnen en hâlden fan dy ekomonyske
aktiviteit. Ofstimming en gearwuking mei oare gemeenten en űndernimmers yn de
regio is dęrby fanselssprekkend. De VVV, Fryslân Marketing en TOOL
(Toeristyske Undernimmers Lauwerslân) binne dęrby strategyske partners. De
Noard-east Fryske gemeenten wolle de rekreative sektor fierder űntwikkelje ta
in wichtige ekonomyske aktiviteit. De VVV hat dęryn
in wichtige loketfunksje en moat him fierder talizze op produktűntwikkeling,
wylst Fryslân Marketing de promoasje en marketing foar syn rekken nimme moat. Der moat mear omtinken jűn wurde
oan Noard-east Fryske arranzjeminten (dei, sneinoer, wike) foar de űnderskate
doelgroepen, dęr’t űnderskate toeristyske eleminten oan elkoar keppele wurde
kinne. In punt fan omtinken is it
ferbinen fan fytsrűten troch yn de regio, meidat dy sűnder naad op elkoar
oanslute en fytsers op elk knooppunt opstappe kinne. Stânpunten: - it CDA-Dantumadiel wol dat it bestimmingsplan Bűtengebiet
op koarte termyn feroare wurdt; dęrby moat rekken holden wurde mei rűme
űntwikkelingsmooglikheden foar
űndernimmers yn rekreaasje en toerisme; - Dantumadiel hat te
min oernachtingsmooglikheden. It CDA-Dantumadiel wol dat de gemeente
inisjativen dęrta stimulearret en sels aktyf siket nei lokaasjes foar in
gruttere camping, in bungalowpark (bygelyks yn it kűlisselânskip) en
of hotelakkomodaasje; - it CDA-Dantumadiel wol dat Dantumadiel mooglikheden
kreearret en plannen stimulearret foar oanlisplakken by farrűtes del mei
stroom en sanitęre foarsjenningen; - it CDA-Dantumadiel fynt it fan belang dat de gemeente
partikulier inisjatyf stimulearret oangeande yt/drinkgelegenheden by fyts- en
farrűten del; - de wetterynfrastruktuer wurdt ferbettere foar de lytse
rekreaasjefeart. Neist de ynlit fan de Swemmer ôf moat it ek
mooglik węze om út it noarden (Dokkumer Ie) wei
Dantumadiel mei lytse boatsjes en kano’s te berikken; -
it CDA-Dantumadiel is foar it pleatsen
fan toeristyske ynformaasjebuorden; - it CDA-Dantumadiel wol dat it fytspadenetwurk űnderholden
wurdt en eventueel útwreide. Dęrby binne de hanwizers, bygelyks mei
fytsknooppuntrűten en de oansluting
mei fytspaden yn oare gemeenten in prioriteit; - it CDA-Dantumadiel wol de toeristyske ynfrastruktuer
fierder útwreidzje mei (histoaryske) gongel- en ruterpaden (routen). |
|
|
|
CDA ferkiezingsprogramma (frysk) |
|
|
|
|
|
|